Эскадрон. Усвоена Г.З.Сулеймановым в 1929г. от Хариса Хакимова (д.Туркменево, Баймакский район). Песня башкирских воинов, отправляющихся на Отечественную войну 1812-1814 гг.

---

 

---

Ҡараһана, дуҫҡай, ҡараһана,
Урал тауы тора күгәреп.
Урал тауға ҡарап бер йырлайыҡ,
Уйҙарҙы ла алыҫ ебәреп.

Йырҙар яҙам Урал ҡаяһына,
Иҫтәлектәр булып ҡалһын, тип.
Яуға китеп, иҫән ҡайталмаһам,
Урал тауы иҫкә алһын, тип.

Урал ғына ҡошо, ай, һандуғас,
Ат менгәндә моңло һайраның.
Ҡындан алып, алмас ҡылысымды
Урал ташҡайына ҡайраным.