Краткое описание ОНКН

  • Яҡшы булһаң, яҡын күп. 
  • Яҡшы егеттең аты ҡалыр, яман егеттең таты ҡалыр. 
  • Яҡшы исем малдан артыҡ. 
  • Яҡшы йәнеңә юлдаш, яман малыңа юлдаш. 
  • Яҡшы кеше ай менән көндәй: бар әҙәмгә берҙәй. 
  • Яҡшы кеше йөрөгән ерен маҡтап йөрөр; яман кеше йөрөгән ерен үртәп йөрөр. 
  • Яҡшы кеше менән дуҫ булһаң, юлға күндерер; яман кеше менән дуҫ булһаң, юлдан яҙҙырыр. 
  • Яҡшы кеше — муйынса ҡашы, яман кеше — мунса ташы. 
  • Яҡшы кеше эш ыратыр, яман кеше теш ыржайтыр. 
  • Яҡшы кешенең яҡшылығы тейер тар ерҙә; яман кешенең яманлығы тейер һәр ерҙә. 
  • Яҡшы кеше — гәүһәр ташы. 
  • Яҡшы күргән яҡшылығын һөйләр, 
  • Яман күргән яҡшылығын да яман итеп һөйләр. 
  • Яҡшы менән бергә барһаң — малға туйырһың; яман менән бергә барһаң — ярҙан ҡоларһың. 
  • Яҡшы менән һөйләшһәң, балға шәкәр ҡатҡандай; яман менән һөйләшһәң, эткә һөйәк атҡандай. 
  • Яҡшы менән юлдаш булһаң — ирешерһең моратҡа; яман менән юлдаш булһаң — ҡалырһың оятҡа. 
  • Яҡшы менән юлдаш булһаң — уңырһың; яман менән юлдаш булһаң — туңырһың. 
  • Яҡшы менән юлдаш булһаң — эшең бөтөр; яман менән юлдаш булһаң — башың бөтөр. 
  • Яҡшы менән яман араһы — ер менән күк араһы. 
  • Яҡшы тыуһа, илгә ҡот, ямғыр булһа, ергә ҡот. 
  • Яҡшы һөйләгәндә кәңәш сығыр, яман һөйләгәндә игәш сығыр. 
  • Яҡшы эш үҙен-үҙе маҡтай. 
  • Яҡшы әйтмәй белер, һорамай бирер. 
  • Яҡшы әҙәм аш ашай, яман әҙәм баш ашай. 
  • Яҡшы әҙәмдә ҡон булмаҫ; яман әҙәмдә моң булмаҫ. 
  • Яҡшы юлдашынан беленә. 
  • Яҡшы ялғандан яман дөреҫлөк яҡшы. 
  • Яҡшы яңылышһа — үҙенән күрер, яман яңылышһа — кешенән күрер. 
  • Яҡшы янында яман беленә. 
  • Яҡшыға тарыҡма, яманға юлыҡма. 
  • Яҡшыға тиң юҡ, яманға иң юҡ. 
  • Яҡшыға һүҙ эйәрер, яманға күҙ әйәрер. 
  • Яҡшыға эйәргән — уңыр, яманға эйәргән — туңыр. 
  • Яҡшыға әйтһәң, белер, яманға әйтһәң, көлөр. 
  • Яҡшыға яҡшылыҡ ҡылһаң, бише менән ҡайтарыр. 
  • Яҡшыға яҡынлашһаң, яҡшылығы йоғор; яманға яҡынлашһаң, яманлығы йоғор. 
  • Яҡшыға ялынһаң — малың ҡалыр; яманға ялынһаң — йәнеңде алыр.
  • Яҡшыға ят булмай, яманда оят булмай. 
  • Яҡшылыҡ белмәгән кеше кешене һанламаҫ. 
  • Яҡшылыҡ заяға китмәҫ. 
  • Яҡшылыҡ ерҙә ятмаҫ. 
  • Яҡшылыҡ итеү яҡшылыҡ күреүҙән яҡшыраҡ. 
  • Яҡшылыҡ иткән — ашын ашар; яманлыҡ иткән — башын ашар. 
  • Яҡшылыҡ иткән юлда ҡалмаҫ, насарлыҡты ат тарта алмаҫ. 
  • Яҡшылыҡ иткән яҡшылыҡ көткән, яҡшылыҡ итмәгән ни көткән? 
  • Яҡшылыҡ итһәң — яҡшылыҡ табырһың; яманлыҡ итһәң — яманлыҡ табырһың. 
  • Яҡшылыҡ ҡылған — аш йыйған, яманлыҡ ҡылған — таш йыйған. 
  • Яҡшылыҡ ҡылып диңгеҙгә ташлаһаң да ҡайтыр. 
  • Яҡшылыҡ ҡылырға ҡулыңдан килмәһә, яманлыҡ ҡылма. 
  • Яҡшылыҡ онотола, яманлыҡ онотолмай. 
  • Яҡшылыҡ яу ҡайтара. 
  • Яҡшылыҡҡа өйрән, яманлыҡтан ерән. 
  • Яҡшылыҡҡа яҡшылыҡ — һәр кешенең эшелер; яманлыҡҡа яҡшылыҡ — ир кешенең эшелер. 
  • Яҡшылыҡҡа яуызлыҡ менән яуап бирмә. 
  • Яҡшылыҡты онотма, яманлыҡты күңелеңдә тотма. 
  • Яҡшылыҡты хайуан да белә. 
  • Яҡшылыҡты һатып алып булмай. 
  • Яҡшынан ҡасма, яманға аяҡ баҫма. 
  • Яҡшынан эш ҡала, ямандан үс ҡала. 
  • Яҡшыны күреп фекер ит, яманды күреп шөкөр ит. 
  • Яҡшыны эҙләп ал, насары үҙе килер. 
  • Яҡшыны яманға һатма. 
  • Яҡшының бер һүҙе — мең алтын. 
  • Яҡшының ҡәҙерен яман белмәҫ. 
  • Яҡшының үҙе үлһә, аты ҡалыр. 
  • Яҡшының үҙе үлһә лә, һүҙе үлмәй. 
  • Яҡшының үҙе үлһә лә, эше үлмәй. 
  • Яман айғыр өйөрөн яуға алдырыр, яман егет юлдашын дауға ҡалдырыр. 
  • Яман арба юл боҙор, яман кеше ил боҙор 
  • Яман — ашҡа, яҡшы — эшкә. 
  • Яман егет юлдашын яуға алдырыр, үҙен оятҡа ҡалдырыр. 
  • Яман кеше яңғыҙ үлер. 
  • Яман кешенән йәйә буйы булһа ла ҡас. 
  • Яман килде — яу килде. 
  • Яман кәзә тартышҡаҡ, яман әҙәм орошҡаҡ. 
  • Яман мал янына ҡурйын бәйләтмәҫ, яман әҙәм янына кеше эйәләтмәҫ. 
  • Яман менән көлһәң, аҙағында иларһың. 
  • Яман менән юлдаш булма: яҡшы юлдан яҙҙырыр. 
  • Яман менән юлдаш булһаң — ярға йығылырһың; яҡшы менән юлдаш булһаң — малға юлығырһың. 
  • Яман тыуыр, юлды быуыр. 
  • Яман үҙен белмәҫ, яҡшыны күҙгә элмәҫ. 
  • Яман эт итәккә йәбешә, яман кеше яғаға йәбешә. 
  • Яман эшенән күрмәҫ, кешенән күрер. 
  • Яман эште яҡшылыҡ баҫыр.
  • Яман юлдаш яу булыр, бөтә эше дау булыр. 
  • Яман юлдаштан яңғыҙлыҡ яҡшы. 
  • Яман юлдашты ярты көн һаҡла. 
  • Яман яҡшы менән дуҫлашмай. 
  • Яманға барма, яҡшынан ҡалма. 
  • Яманға баш булғансы, яҡшыға юлдаш бул. 
  • Яманға йәнеңде бирһәң дә, ярамаҫһың. 
  • Яманға йоғолма, йоғонһаң, йығылма. 
  • Яманға үлем юҡ, яҡшыға йөрөм юҡ. 
  • Яманға эйәргән — яҙыҡҡа, яҡшыға эйәргән — аҙыҡҡа. 
  • Яманға әйткән аҡыл — далаға атҡан уҡ. 
  • Яманға юлдаш булһаң, оятка ҡалырһың. 
  • Яманға яҡшылыҡ итһәң, аңламаҫ, яҡшыға яҡшылыҡ итһәң, онотмаҫ. 
  • Яманға ялынһаң, яңағың һыныр. 
  • Яманға яман иш була. 
  • Ямандан ҡас, яҡшыға һырыш. 
  • Ямандан ҡәберең йыраҡ булһын. 
  • Ямандан яҡшылыҡ көтмә. 
  • Ямандың ауыҙынан сыҡҡанды эт ашамаҫ. 
  • Ямандың аяғы һигеҙ — береһе теймәһә, береһе тейә. 
  • Ямандың биргән ашынан яҡшының әйткән һүҙе артыҡ. 
  • Ямандың күперенән үткәнсе, ярҙан ос. 
  • Ямандың ҡуйынында ятҡансы, яҡшының аяғында ят. 
  • Ямандың түрендә булғансы, яҡшының гүрендә бул. 
  • Ямандың уйы яман. 
  • Ямандың үҙ бәләһе үҙенә етер. 
  • Ямандың юлдашы ла яман. 
  • Ямандың яҡшыһы булғансы, яҡшының шаҡшыһы бул. 
  • Ямандың яманлығы үҙ башына ҡайтыр. 
  • Яманлыҡ иткән изгелек тапмаҫ. 
  • Яманлыҡ иткәнгә лә яҡшылыҡ ит. 
  • Яманлыҡ ҡылдым да ҡотолдом тимә — алдыңа килер. 
  • Яманлыҡ эшләп, яҡшылыҡ көтмә. 
  • Яманлыҡҡа яманлыҡ — яҡшылыҡ, яҡшылыҡҡа яманлыҡ — шаҡшылыҡ. 
  • Яманлыҡты күрмәгән — яҡшылыҡтың ҡәҙерен белмәгән. 
  • Яманлыҡтың сиге бар, яҡшылыҡтың сиге юҡ. 
  • Ҡөн яманы китер, әҙәм яманы китмәҫ.